Dünya Güləş Birliyi reytinq siyahısını açıqladı

Dünya Güləş Birliyi (UWW - United World Wrestling) 2014-cü ilin yekunlarına görə, sərbəst güləş üzrə yeni ilin ilk reytinq siyahısını açıqlayıb. Azərbaycan Güləş Federasiyasından "OLAYLAR" -a daxil olan məlumatda bildirilib ki, sərbəst güləşçilərimizdən 11 nəfəri Dünya Güləş Birliyinin reytinq siyahısında öz yerlərini tutub. Ən yüksək göstərici isə, Dünya çempionu Hacı Əliyevə (61 kq) məxsusdur. Daşkənddə öz çəkisində bütün rəqiblərindən üstün olan Hacı Əliyev reytinqdə də ilk sırada qərarlaşıb. Dünya çempionatının gümüş mükafatını qazanan Xetaq Qazyumov (97 kq) isə reytinqdə ikincidir.