“Neftçi”nin əvəzedici heyəti Türkiyədə hazırlıq keçəcək

"Neftçi" PFK-nın əsas komandası ilə yanaşı, əvəzedici heyəti də hazırlığın ikinci mərhələsini Türkiyənin Antalya şəhərində keçəcək. 11 yanvar tarixində 23 nəfərlik futbolçu heyəti ilə Antalyaya yollanacaq əvəzedici komandanın təlim-məşq toplanışı 24 yanvar tarixində yekunlaşacaq. "Olaylar"ın klubun rəsmi saytına istinadən məlumatına görə, bu müddət ərzində komandamız bir neçə yoxlama oyununda qüvvəsini sınayacaq. Hazırlıq prosesi zamanı əvəzedici heyətin bir neçə futbolçusu əsas komandanın düşərgəsinə qoşulacaq.