“İnter” yanvarın 8-də ilk yoxlama oyununa çıxacaq

Bakının "İnter" klubunun Türkiyədəki təlim-məşq toplanışı davam edir. Toplanışın 4-cü günü 1 məşqdən ibarət oldu. Axşam saatlarında baş tutmuş məşqə futbolçular isinmə hərəkətləri ilə start verdilər. Oyunçular topla çalışıblar, daha sonra oyunçular 4 qrupa ayrılaraq bir-birilərinə qarşı futbol oynayıblar. "Olaylar"ın klubun rəsmi saytına istinadən məlumatına görə, toplanışın hazırlıq planına uyğun olaraq İnter sabah 2 dəfə məşq edəcək. Ayın 8-də komandamız Türkiyədəki təlim-məşq toplanışı çərçivəsində ilk yoxlama görüşünə çıxacaq. Bu maçda İnter Türkiyənin "İnegölspor" komandası ilə qarşılaşacaq. Bu oyun "Kaya Palazzo Golf Resort" otelinin meydançalarının birində baş tutacaq.