Vüqar Həşimov yad ediləcək – gənc şahmatçının ölümündən 1 il keçir

Mərhum azərbaycanlı şahmatçı Vüqar Həşimov yad ediləcək. Bu barədə tele-aparıcı, futbol şərhçisi Sənan Şəfizadə bildirib. "İnanmaq çətindir, amma. İstedadlı şahmatçımız Vüqar Həşimovun vəfatından bir il keçir. Əziz dostlar, 11 yanvar 2015 tarixində qadınlar Vüqarı saat 10-da ziyarət edir, saat 11.00-14.00 aralığında Təzə Pir Məscidində məclis təşkil olunacaq. Kişilər, saat 13.30-da Vüqarı ziyarət edəcək, saat 14.30-dan isə Təzə Pir Məscidinə toplaşacaqlar" - deyə S.Şəfizadə qeyd edib. Xatırladaq ki, şahmat üzrə üçqat Azərbaycan çempionu Vüqar Həşimov müalicə aldığı Almaniyanın Heydelberq klinikasında keçinib. O, başındakı bəd xassəli şişdən əziyyət çəkirdi. ("OLAYLAR" İA)