Azərbaycanlı idmançı çempion oldu

Dekabrın 19-da karate üzrə 8-10 yaşlı idmançılar arasında  İsrail çempionatı başa çatıb və Dərya Bayramova qızıl medal qazanıb. Dərya Bayramova  2006-cı ildə anadan olub. Gənc olmasına və idmanın bu növü ilə iki il bundan əvvəl məşğul olmağa başlamasına baxmayaraq, idman karyerası ərzində o artıq bürünc və gümüş medallar qazanıb. Dünən isə Dəryanın mükafatları sırasına qızıl medal da əlavə olunub. "İsrail-Azərbaycan" Beynəlxalq Assosiasiyası (Azİz) Bayramovlar ailəsini bu qələbə münasibətilə ürəkdən təbrik edir.

Qeyd edək  ki, gənc çempionun babası Vahid Bayramov "Azİz" Assosiasiyasının Azərbaycandakı nümayəndəsidir . ("OLAYLAR"İA)