"İnter"in Bakıdakı məşqi VIDEO

Neradzura Tofiq Bəhramov adına Respublika Stadionuna ilk addımlarını atıb

İtaliyanın "İnter" klubu dünən gecə Bakıdakı ilk məşqini keçirib. Anspress-in məlumatına görə, Avropa Liqasının qrup mərhələsində "Qarabağ"la qarşılaşacaq neradzura Tofiq Bəhramov adına Respublika Stadionuna ilk addımlarını atıb. Roberto Mançinin tələbələri baş məşqçinin texniki-taktiki tapşırıqları yerinə yetiriblər.

Qeyd edək ki, "Qarabağ" - "İnter" (İtaliya) oyunu dekabrın 11-i saat 21:00-da Tofiq Bəhramov adına Respublika stadionunda keçiriləcək. Artıq oyuna 25 mindən çox bilet satılıb. Oyunu ümumilikdə 30 mindən çox azerkeşin izləyəcəyi gözlənilir.