Millət vəkili maaşından imtina etdi

"Qalatasaray"ın və Türkiyə yığmasının əfsanəvi futbolçusu, millət vəkili Hakan Şükür Ermenekdə dünyasını dəyişən mədənçilərin yaxınlarına pul yardımı edəcək. Lent.az-ın məlumatına görə, keçmiş hücumçu ölən mədənçilərin ailə üzvlərinin qəbul edəcəyi təqdirdə, maaşını onlara verəcəyini bildirib. H. Şükür 2015-ci ildəki seçkilərə qədər məvacibini "Heç kim yoxdur?" dərnəyi vasitəsilə zərərçəkənlərə çatdırmaq niyyətindədir. "Kral" həmin hadisədən sonra çox məyus olduğunu və əlindən gələn köməyi əsirgəməyəcəyini vurğulayıb.