Turistləri daşıyan avtobus AŞDI: 9 ölü, xeyli yaralı var

Peruda, And dağlarında turistləri daşıyan avtobusun yamacdan aşması nəticəsində azı doqquz nəfər ölüb.

Olaylar.az oxu.az-a istinadən xəbər verir ki, bu barədə "Daily Mail" nəşri məlumat yayıb.

Yerli yanğınsöndürmə xidmətlərinin məlumatına görə, qəza zamanı nəqliyyat vasitəsində təxminən 25 nəfər - turistlər və onların bələdçiləri olub.

Peru Səhiyyə Nazirliyi 15 yaralının dörd xəstəxanaya aparıldığını təsdiqləyib.

Hazırda ölənlərin milliyyəti müəyyən edilir və onların arasında əcnəbilərin olub-olmadığı barədə məlumatlar dəqiqləşdirilir.

Qəzaya dağ yolunda görünüşü əhəmiyyətli dərəcədə azaldan qatı dumanın səbəb olduğu düşünülür.

Hadisənin dəqiq səbəbləri ilə bağlı araşdırmalar davam edir.