İran ABŞ-lə birbaşa danışıqları rədd etdi- ÖZƏL

İranın Xarici İşlər Nazirliyinin rəsmi nümayəndəsi İsmayıl Baqai Tehranın ABŞ-lə birbaşa danışıqlara getmək niyyətində olmadığını açıqlayıb. Olaylar.az xəbər verir ki, bu barədə o, həftəlik mətbuat konfransında jurnalistlərin suallarını cavablandırarkən bildirib.
"Xeyr, bu, istisnadır," - deyə Baqai birbaşa dialoq ehtimalı ilə bağlı sualı qısa şəkildə cavablandırıb.
Xatırladaq ki, İranla ABŞ arasında Oman vasitəçiliyi ilə aparılan beş raund qeyri-birbaşa danışıqlar 2025-ci ildə nəticəsiz başa çatmışdı. Danışıqların dayandırılmasına İsrailin İrana qarşı başladığı hərbi əməliyyatlar və ABŞ Silahlı Qüvvələrinin İranın nüvə obyektlərinə endirdiyi zərbələr səbəb olmuşdu.
Eyni zamanda, "Avropa üçlüyü" - Böyük Britaniya, Almaniya və Fransa da Tehranla paralel danışıqlar aparsa da, yeni nüvə sazişinin əldə olunmasında vasitəçilik missiyasını uğurla başa vura bilməyiblər.