ABŞ Ukrayna üzrə danışıqlardan çıxsa, Rusiyaya qarşı sanksiyalar güclənə bilər – Nikonov – ÖZƏL

Olaylar.az xəbər verir ki, Rusiya Dövlət Dumasının Beynəlxalq məsələlər komitəsinin sədr müavini Vyaçeslav Nikonov bildirib ki, ABŞ Ukrayna üzrə danışıqlardan çıxacağı təqdirdə, Rusiyaya qarşı sanksiyaları gücləndirə bilər. Onun sözlərinə görə, ABŞ bu həftə Ukraynaya təqdim etməyi planlaşdırdığı şərtləri müəyyənləşdirəcək və Ukraynanın reaksiyasından asılı olaraq danışıqlardan çıxa bilər.

Nikonov qeyd edib ki, Vaşinqtonun danışıqlardan çəkilməsi Rusiyaya qarşı mövqeyin yumşalacağı anlamına gəlmir, əksinə, yeni sanksiyalar mümkündür. Bununla belə, o hesab edir ki, bu, artıq döyüş meydanındakı vəziyyəti dəyişməyəcək və Rusiyanın üstünlüyünü dayandırmayacaq.

Qeyd edək ki, ABŞ Prezidenti Donald Tramp yaxın günlərdə Ukrayna ilə bağlı razılaşmanın əldə olunacağına ümid etdiyini bildirib. "The New York Post"un məlumatına görə, plana Avropa qüvvələrinin Ukraynanın nəzarətində olan ərazilərdə yerləşdirilməsi və Rusiya, Ukrayna və NATO-ya daxil olmayan üçüncü ölkənin nümayəndələrinin daxil olduğu monitorinq komissiyasının yaradılması da daxildir. ABŞ dövlət katibi Marko Rubio isə danışıqlarda irəliləyiş olmazsa, Trampın prosesi dayandıra biləcəyini açıqlayıb.