Fransa: Dağlıq Qarabağ ermənilərinin qayıtma haqqı tanınmalıdır – ÖZƏL

Fransanın Ermənistandakı səfiri Olivye Dekottinies, beynəlxalq ictimaiyyətin reaksiyasının yetərsiz olduğunu bildirərək, əks halda Dağlıq Qarabağ əhalisinin hələ də orada olacağını qeyd edib. 

Olaylar.az xəbər verir ki, o, Ermənistanın İctimai Radio-suna verdiyi müsahibədə Dağlıq Qarabağdan (Artsax) erməni əhalisinin köçməsi ilə bağlı beynəlxalq ictimaiyyətin reaksiyasının adekvat olub-olmaması sualına cavab verərkən bunları söyləyib.

"Dağlıq Qarabağ ermənilərinin evlərinə geri qayıtması ilə bağlı məsələyə gəldikdə, bu, bir hüquqdur. Bu, hipotez deyil, hüquqdur. Bu hüquq 17 noyabr 2023-cü il tarixli Beynəlxalq Məhkəmənin qərarı ilə tanınıb və bu qərar icra edilməyə məcburdur; yəni Azərbaycan bunu yerinə yetirmək öhdəliyinə malikdir. Həmçinin bu qərar, təhlükəsizlik, irs mühafizəsi, mədəni və dini hüquqlar baxımından qayıtma kriteriyalarını ətraflı şəkildə müəyyən edir. Hər şey aydın şəkildə yazılıb," - deyə o qeyd edib.

Dekottinies, Fransachr("39")nın bu məsələ ilə bağlı mövqeyinin də çox aydın olduğunu vurğulayıb. İlk növbədə, məcburi köçkünlərə və onlara ev sahibliyi edən Ermənistana dəstək vermək olduğunu bildirib. O, Fransachr("39")nın 2023-cü ilin sonlarında və 2024-cü ildə təmin etdiyi humanitar yardım miqdarı baxımından bu sahədə ilk olduğunu və köçkünlərin Ermənistana yerləşməsinə kömək etdiyini, lakin onların qayıtma hüququ ilə bağlı mövqeyindən heç vaxt əl çəkmədiyini qeyd edib.

Regionda kommunikasiya kanallarının açılması imkanlarına gəlincə, Fransalı diplomat bildirib: "Ermənistanın özündən kommunikasiyaların açılması ilə bağlı bir təklif var idi ki, Fransa bunu dəstəkləyir; bu, Sülh Dəhlizi layihəsidir. Biz bunu çox yaxşı bir yanaşma hesab edirik, çünki bu, həqiqətən də kommunikasiya kanallarını açmağı təklif edir. Lakin bu, suverenlik əsasında, hər biri öz ərazisində, qarşılıqlı və bərabərlik prinsipi ilə həyata keçirilməlidir."