Qrenlandiya təhlükədə:Buzlaq örtüyü gözləniləndən tez yox ola bilər– ÖZƏL

Olaylar.az xəbər verir ki, Qrenlandiya hər saat 33 milyon ton buz itirir, bu proses sürətlənir və fəlakətli nəticələrə gətirib çıxara bilər.

Alimlər bildirir ki, temperaturun cəmi 2°C artması, Yer kürəsinin ikinci ən böyük buzlaq örtüyünün məhv olmasına səbəb ola bilər. Bu isə dəniz səviyyəsinin 7 metr qalxmasına və qlobal ekosistemin dəyişməsinə gətirib çıxaracaq.

Son tədqiqatlara görə, ən pis ssenari reallaşarsa, buzlaq örtüyünün geri dönməz şəkildə əriməsi XXI əsrin sonuna qədər baş verə bilər.

Qrenlandiya və Antarktida birlikdə Yer kürəsindəki şirin su ehtiyatlarının 70%-dən çoxunu saxlayır. Ancaq 1994-cü ildən bu yana buzlaqlar artıq 6,9 trilyon ton kütlə itirib.

Kritik hədd nə vaxt aşılacaq?
    •    İllik buz itkisi 230 gqatonnaya çatdıqda dönüş nöqtəsi gələcək.
    •    Temperatur 3,4°C-ə yüksələrsə, Grenlandiyanın buz örtüyü tamamilə yox olacaq.
    •    2024-cü ildə temperatur artıq sənaye öncəsi dövrlə müqayisədə 1,47°C artıb.

Əgər buzlaq tamamilə əriyərsə, bu, sahilyanı şəhərlərin su altında qalmasına, ekosistemlərin məhvinə və qlobal iqlim dəyişikliyinə səbəb olacaq.