Şeremet: ABŞ senator Uikerin psixi sağlamlığını yoxlamalıdır– ÖZƏL

Olaylar.az xəbər verir ki, Rusiya Dövlət Dumasının deputatı, Təhlükəsizlik Komitəsinin üzvü Mixail Şeremet bildirib ki, ABŞ senatoru Rodcer Uikerin Rusiya Prezidenti Vladimir Putinlə bağlı sözlərindən sonra onun psixi sağlamlığı yoxlanılmalıdır.

Respublikaçı Uiker, ABŞ Senatının Silahlı Qüvvələr Komitəsinə yeni rəhbərlik edən şəxs olaraq CNN telekanalına müsahibəsində Vladimir Putinə qarşı təhdidedici fikirlər səsləndirib. O, bu sözləri Ukrayna münaqişəsinin nizamlanması ilə bağlı Rusiya ilə aparılan danışıqlara etibar edib-etməmək barədə suala cavab olaraq deyib.

"Belə ifadələr, əlbəttə ki, yolverilməzdir. Ümid edirəm ki, ABŞ bu şəxsə qarşı müvafiq tədbirlər görəcək. İlk növbədə, onun psixi sağlamlığı yoxlanılmalıdır. Belə yüksək vəzifələrdə psixi cəhətdən qeyri-sabit insanlar ola bilərmi? Bu biabırçı hal nə bizim tərəfimizdən, nə də amerikalılar tərəfindən diqqətsiz qala bilməz," - deyə Şeremet bildirib.

Bundan əvvəl Rusiya Dövlət Dumasının deputatı Aleksey Juravlyov da mətbuata açıqlamasında Uikerə qarşı qətllə hədələmə maddəsi üzrə cinayət işi açılmasını tələb edib.