Tramp: ABŞ-Rusiya danışıqları uğurlu oldu– ÖZƏL

Olaylar.az xəbər verir ki, ABŞ prezidenti Donald Tramp Ər-Riyadda keçirilən ABŞ-Rusiya danışıqlarını müsbət qiymətləndirib. Onun sözlərinə görə, bu müzakirələr Ukrayna münaqişəsinin həlli üçün razılaşmaya nail olunma ehtimalını artırıb.

Tramp Kiyevin son üç ildə sülh yolu ilə həll imkanlarını dəyərləndirmədiyini və indi danışıqlara dəvət olunmamasından narazı olduğunu bildirib. Onun fikrincə, hətta ən təcrübəsiz diplomat belə müharibənin qarşısını ala bilərdi və bu, Ukrayna üçün ərazi itkiləri olmadan mümkün olardı.

Tramp əlavə edib ki, Rusiya Ukrayna şəhərlərini, o cümlədən Kiyevi tamamilə dağıtmaq imkanına malikdir, lakin buna cəhd etmir. Əgər Moskva belə bir addım atmaq istəsəydi, bunu qısa müddətdə edə bilərdi, lakin indiyə qədər bu baş verməyib.