Ukrayna NATO üzvlüyünü tərk etməyəcək – ÖZƏL

Ukraynanın Müdafiə naziri Rustem Umerov, Ukraynanın NATO üzvlüyü üçün səylərini davam etdirəcəyini bildirib.

Olaylar.az xəbər verir ki, Umerov Facebook-da yazdığı paylaşımda, "Ukrayna-NATO Şurası toplantısından əvvəl, alyansın Baş katibi Mark Rutte ilə vacib bir söhbət etdik. Ukrayna strateji kursunu dəyişdirməyəcək, çünki gələcəyimizi NATO ilə görürük," deyə bildirib.

Fevralın 12-də ABŞ Müdafiə naziri Pete Hegseth, Ukraynanın 2014-cü ildən əvvəlki sərhədlərinə qayıtmasını "real olmayan bir hədəf" olaraq qiymətləndirib və Ukraynanın NATO üzvlüyünü istisna edib.

Daha sonra ABŞ Prezidenti Donald Tramp Hegseth-in bu açıqlamasının Vaşinqtonun mövqeyini doğru şəkildə əks etdirdiyini bildirib və əlavə edib ki, onun öncəki rəhbəri Joe Biden, Ukraynanın NATO-ya daxil ola biləcəyi barədə verdiyi açıqlamalarla səhv edib. Trampa görə, bu, Rusiyanın Ukraynada xüsusi hərbi əməliyyat başlatmasının səbəblərindən biri olub.