Rusiya ABŞ ilə silahlara nəzarət üzrə danışıqlara hazırdır– ÖZƏL

Olaylar.az xəbər verir ki, Rusiyanın BMT-dəki daimi nümayəndəsinin birinci müavini Dmitri Polyanski bildirib ki, Rusiya ABŞ ilə silahlara nəzarət mövzusunda genişmiqyaslı danışıqlara hazırdır. O, TASS-a müsahibəsində qeyd edib ki, Vaşinqtonun illərdir mövcud hüquqi bazanı dağıtması bu problemi daha da dərinləşdirib.

Polyanski vurğulayıb ki, Rusiya heç vaxt bu cür danışıqlardan yayınmayıb və məsələnin bütün kompleks aspektləri müzakirə olunmalıdır. O, ABŞ-nin yalnız öz maraqlarına uyğun mövzulara diqqət yetirməsinin yolverilməz olduğunu bildirib.

Bundan əvvəl Rusiya xarici işlər nazirinin müavini Sergey Ryabkov ABŞ-nin nüvə silahlarının yayılmaması rejimini pozduğunu demişdi. Eyni zamanda, Donald Tramp administrasiyasının Rusiya ilə dialoqu bərpa etmək istədiyi bildirilir.