Tramp bir neçə Asiya şirkətinin səhmlərini aşağı salır - ÖZƏL

İxracdan asılı olan Asiya şirkətlərinin səhmləri ABŞ prezidenti Donald Trampın tarifləri elan etməsindən sonra kəskin şəkildə ucuzlaşıb və bu, qlobal ticarət müharibəsinin yeni mərhələsinin başlanmasından xəbər verir. 

Olaylar.az xəbər verir ki, bu barədə Bloomberg agentliyi məlumat yayıb .

Onun məlumatlarına görə, MSCI Asia Pacific indeksi iki faizdən çox ucuzlaşıb. Asiya investorları Trampın Çinə qarşı gözləniləndən daha yumşaq mövqe nümayiş etdirməsindən sonra növbəti danışıqlarda tariflərin təxirə salına və ya endirilə biləcəyinə ümid edirdilər . Bununla belə, yeni tariflər xüsusilə Çin ixracatına zərər verə və onun onsuz da çətin vəziyyətdə olan iqtisadiyyatını sarsıda bilər.

Bundan əlavə, ABŞ Yaponiyanın ən böyük avtomobil istehsalçıları tərəfindən əsas satış bazarı hesab olunur . Onlar ABŞ-da Meksikada istehsal olunan və ya yığılan avtomobilləri satırlar . Nəticədə, Trampın Meksikaya tariflər tətbiq etməsindən sonra Toyota, Honda və Nissan şirkətlərinin səhmləri ən azı beş faiz ucuzlaşıb.