Suriyada terrorçular olduqca bölgədə anti-terror əməliyyatları davam etdiriləcək - Ərdoğan

Suriyanın şimalında terrorçular olduqca Türkiyə bölgədə anti-terror əməliyyatlarını davam etdirəcək.

Olaylar.az trend-ə istinadən xəbər verir ki, bu sözləri Türkiyə Prezidenti Rəcəb Tayyib Ərdoğan Səudiyyə Ərəbistanına səfəri öncəsi Atatürk Hava Limanında açıqlaması zamanı deyib.

"Türkiyə Suriya ilə münasibətlərin normallaşması proseslərinə hər zaman hazırdır. Bu baxımdan, dördlü sammitlər keçirilməlidir. Lakin Bəşər Əsəd Türkiyənin Suriyanın şimalını tərk etməsini istəyir. Belə bir şey ola bilməz", - deyə o əlavə edib.

Qeyd edək ki, Türkiyə-Suriya münasibətlərinin müzakirəsi üçün axırıncı görüş Qazaxıstanın Astana şəhərində iyunun 21-də keçirilib.

Dördlü sammitdə Türkiyə, Rusiya, Suriya və İran xarici işlər nazirləri müavinləri iştirak edib.