Çində naməlum şəxs məktəblilərə hücum edib, 7 uşaq ölüb

Çinin Şensi əyalətində naməlum kişi orta məktəb şagirdlərinə hücum edib.

"Report" RBK-ya istinadən xəbər verir ki, hücum məktəblilərin dərsdən evə döndüyü zaman baş verib.

Hücum nəticəsində 7 uşaq ölüb, 12 nəfər yaralanıb.

Hücum edən şəxs saxlanılıb, onun hansı səbəbdən bu addımı atdığı hələ müəyyənləşdirilməyib.

Yaralı uşaqlar xəstəxanaya çatdırılıblar.