91 nəfərin olduğu təyyarə qəzaya uğradı - Göyərtədə musiqiçilər və 9 jurnalist var

10:35

İtkin düşən TU-154 təyyarəsi Qara dənizə düşüb.

Trend-in verdiyi məlumata görə, sahildən 1,5 km aralıda təyyarənin hissələri tapılıb.

---------

10:15

Rusiyanın müdafiə nazirliyinə məxsus təyyarə Krasnodar vilayətinin dağlıq hissəsində qəzaya uğrayıb.

Trend-in verdiyi məlumata görə, bunu güc strukturların nümayəndəsi ilkin məlumat olaraq deyib.

---------

09:46

Rusiya Müdafiə Nazirliyi radardan itən təyyarənin göyərtəsində Aleksandrov adına ansamblın musiqiçilərinin və jurnalistlər olduğunu təsdiqləyib.

APA-nın  verdiyi məlumata görə, Rusiya Müdafiə Nazirliyi "Tu-154" təyyarəsinin göyərtəsində hərbçilər, Aleksandrov adına ansamblın musiqiçiləri və 9 jurnalist olub.

Musiqiçilər Suriyanın Xmeymim aerodromunda Yeni il bayramı münasibəti ilə konsert proqramı ilə çıxış etməyi planlaşdırıbmış.

Qeyd edək ki, bu gün Rusiya Müdafiə Nazirliyinə məxsus "Tu-154" təyyarəsi  yerli vaxtla saat 05.40 (Bakı vaxtı ilə saat 06.40) radələrində Soçinin Adler aerodromundan hava qalxdıqdan qısa müddət sonra radardan itib. Təyyarədə 83 sərnişin və 8 heyət üzvü olub. 

----------

09:13

Rusiyanın müdafiə nazirliyinə məxsus Tu-154 təyyarəsi radarlardan itib.

Trend-in verdiyi məlumata görə, təyyarənin göyərtəsində 70-ə yaxın adam olub.

Bildirilir ki, təyyarə Rusiyanın Soçi şəhərindən Suriyaya yola düşmüşdü.