Rusiya bu raketlərlə vurulacaq – RAZILAŞMA

Varşava və Vaşinqton JASSM-ER "hava-yer" sinfindən olan qanadlı raketlərin Polşaya çatdırılması haqqında razılaşmanı imzalayıb.

Publika.az "RİA-Novosti" agentliyinə istinadən xəbər verir ki, bu haqda Polşanın Müdafiə Nazirliyindən bildirilib.

Müqavilənin dəyəri 230 milyon dollar təşkil edir.

Daha əvvəl yayılan məlumata görə, ABŞ Dövlət Departamenti F-16 təyyarələrinin təchizatı üçün JASSM-ER qanadlı raketlərin Polşaya çatdırılmasını bəyənib. ABŞ-ın Təhlükəsizlik və müdafiə əməkdaşlığı üzrə Agentliyi bildirib ki, söhbət 70 JASSM-ER raketinin çatdırılmasından gedir. Ancaq qeyri-rəsmi informasiyaya görə, Polşa yalnız 40 raket almaq niyyətindədir.

Cari ilin aprelində Rusiya Silahlı qüvvələrinin Baş qərargahının baş operativ idarəsinin rəhbəri general-leytenant Andrey Kartapolov bildirib ki, ABŞ Şərqi Avropa regionundakı müttəfiqlərini JASSM-ER uzunmənzilli aviasiya qanadlı raketləri ilə təchiz etməyi planlaşdırır. Bu raketlər Rusiya ərazisinin 1,3 min kilometr dərinlikdəki obyektləri vurmağa icazə verəcək. Rusiyalı generalın sözlərinə görə, 2008-ci ildən başlayaraq Polşa, Rumıniya, Bolqarıstan və Baltikyanı ölkələrin ərazisindəki bir sıra hərbi obyektlərin NATO standartlarına gətirilməsi üçün tədbirlər görülür.

Ömər Dağlı