Moskva məhkəməsi İŞİD-ə qoşulmaqda təqsirləndirilən əlaçı tələbə qıza hökm oxuyub

Moskva Hərbi Məhkəməsi İŞİD-ə qoşulmaqda təqsirləndirilən Moskva Dövlət Universitetinin tələbəsi Varvara Karaulova barəsində hökm çıxarıb.

Moskva Hərbi Məhkəməsi İŞİD-ə qoşulmaqda təqsirləndirilən Moskva Dövlət Universitetinin tələbəsi Varvara Karaulova barəsində hökm çıxarıb. Məhkəmə İvanova Aleksandra Pavlovnanı (Varvara Karaulova) Rusiya Federasiyası Cinayət Məcəlləsinin 205.5-ci maddəsi ilə (Rusiya ərazisində qanunvericiliklə fəaliyyəti qadağan olunmuş terrorçu təşkilatın fəaliyyətində iştirak etmək) təqsirli bilərək cəzasını ümumi rejimli cəzaçəkmə müəssisəndə çəkməklə, 4,5 il müddətinə azadlıqdan məhrum edib.
  
Qeyd edək ki, Lomonosov adına MDU-nun əlaçı tələbəsi Varvara Karulova 2015-ci il mayın 27-də evdən qaçıb. O, İŞİD sıralarına qoşulmaq üçün Türkiyədən Suriyaya keçmək istəyərkən sərhəddə saxlanılıb. Onunla bərabər Türkiyə sərhədçiləri daha 12 Rusiya vətəndaşını saxlayıblar. İyunun 12-də Karaulova İstanbuldan Moskvaya qaytarılıb. Apa.az