Ağadadaş Ağayevin şikayətinə nə vaxt baxılacaq?

9 Sentyabr 21:13 Sosial

Xalq artisti Ağadadaş Ağayevin "MedEra Hospital"a qarşı Binəqədi Rayon Məhkəməsinə verdiyi şikayət üzrə keçiriləcək məhkəmənin vaxtı bilinib.

Olaylar.az qaynarinfo-ya istinadən xəbər verir ki, işə oktyabrın 10-da hakim Nigar Nəbizadənin sədrliyi ilə baxılacaq.

Qeyd edək ki, ifaçı məhkəmədə "MedEra Hospital" Məhdud Məsuliyyətli Cəmiyyətinə (MMC) qarşı "Mülki hüquq pozuntularından əmələ gələn öhdəliklər üzrə mübahisələr - Mənəvi zərərin ödənilməsi" üzrə iddia qaldırıb.

Xalq artisti Ağadadaş Ağayevin bir müddət əvvəl sözügedən klinikanın mühafizəçisi ilə dava videosu yayılmışdı. Xalq artisti əlində balta ilə "MedEra Hospital"ın mühafizəçisinin üzərinə hücum etmişdi. Atdığı balta isə orada çalışan Nəzakət Paşayevaya dəyərək onu yaralayıb. Mühafizəçi Nurəddin Cəlilov isə Xalq artistini döyüb.

Təklifinizi, şikayətinizi bizə yazın. Sizi dinlərik. 055 634 88 31