YPX avtomobili qəzaya düşdü: Xəsarət alan var

Ötən gün saat 14:10 radələrində Bakı-Qazax avtomobil yolunda YPX avtomobilinin iştirakı ilə yol-nəqliyyat hadisəsi baş verib. 

Yolun Qaradağ rayonu ərazisindən keçən 42,7-ci kilometrliyində 99-YP-851 dövlət qeydiyyat nişanlı "BMW" markalı Yol Patrul Xidməti (YPX) avtomobili ilə VAZ-2106 markalı maşın toqquşub.

Toqquşma nəticəsində VAZ-2106 markalı maşında olan sərnişin yüngül xəsarət alıb.

Məsələ ilə bağlı Baş Dövlət Yol Polisi İdarəsindən faktı təsdiq ediblər.

Bildirilib ki, hadisə ilə bağlı araşdırma aparılır. 

oxu.az