Azərbaycanlı alim beynəlxalq simpoziumda

AMEA-nın Elm Tarixi İnstitutunun elmi işlər üzrə direktor müavini, ilahiyyat elmləri üzrə fəlsəfə doktoru Səbinə Nemətzadə Türkiyənin paytaxtı Ankara şəhərində elmi ezamiyyətdə olub.

AMEA-nın Elm Tarixi İnstitutunun elmi işlər üzrə direktor müavini, ilahiyyat elmləri üzrə fəlsəfə doktoru Səbinə Nemətzadə Türkiyənin paytaxtı Ankara şəhərində elmi ezamiyyətdə olub.

Akademiyadan "Olaylar" - a bildirlib ki, S.Nemətzadə səfər çərçivəsində Türk Tarix Qurumu və Qazi Universitetinin birgə təşkilatçılığı ilə keçirilən "Professor Halil İnalcık tarix və tarixçilik" beynəlxalq simpoziumunda iştirak edib. Azərbaycanlı alim simpoziumda "Türk-İslam tarixşünaslığında sfragistika" mövzusunda məruzəsini təqdim edib.

Azərbaycan, Türkiyə, Rusiya, Litva, Ukrayna, Qazaxıstan, Rumıniya, Albaniya, Qırğızıstan, İran, İraq və Əlcəzairdən olan tarixçi alim və tədqiqatçıların iştirak etdiyi simpoziumda S.Nemətzadənin məruzəsi xüsusi maraqla qarşılanıb.