“Beynəlхalq Yer Günü” iməclik

Ekologiya və Təbii Sərvətlər Nazirliyi tərəfindən "Beynəlхalq Yer Günü" ilə əlaqədar Heydər Əliyev Beynəlxalq Hava Limanı magistral avtomobil yolunun ətrafında, əvvəlki Binə ticarət mərkəzinin ərazisində iməcilik keçirilib. Nazirlikdən "Olaylar" - a bildirilib ki, İməcilikdə Ekologiya və Təbii Sərvətlər Nazirliyinin əməkdaşları, ekoloji qeyri-hökumət təşkilatları və ictimaiyyət nümayəndələri iştirak edib.

Aksiyada sözügedən ərazinin 55 hektar sahəsində abadlıq işləri görülüb, o cümlədən yaşıllıqlara aqrotexniki qulluq göstərilib, ağacların dibi yumşaldılıb, ərazi alaq otlarından təmizlənib.

Qeyd edək ki, "22 aprel-Beynəlxalq Yer günü" ilə əlaqədar regionlarda da Nazirliyin yerli qurumları tərəfindən iməciliklər təşkil olunaraq yaşıllıqlara qulluq edilib, təmizlik işləri aparılıb.