Azərbaycan bütün ssenarilərə hazırdır- ÖZƏL

"Qərbi Azərbaycan icmasının üzvlərini etnik təmizləmə ilə üzləşdikləri  doğma  torpaqlarına qaytarmadan ABŞ Dövlət Departamentinin Qarabağı tərk edib gedənləri yenidən gətirib ora yerləşdirmək cəhdinin boşuna olduğu bu gün Xankəndindəki açılış və təməlqoymalarla sərgilənir. Və məncə,  okeanın o tayındakılar özləri də  çox yaxşı fərqində idilər və fərqindədirlər ki, Azərbaycan Prezidentinin Qərbi Azərbaycan icmasıyla bağlı səsləndirdiyi tələb yerinə yetirilmədiyi təqdirdə hayların Qarabağa dönmələri mümkünsüzdür".

"Olaylar" xəbər verir ki, bunu millət vəkili Sahib Alıyev deyib:

"Dövlət Departamentinin formalaşdırdığı "faktaraşdırıcı missiya"ya hayların guya Qarabağda etnik təmizləməyə uğradıqları haqda tapşırıq verilməsində də əsas məqsəd heç də "miatsumçu"ları geri qaytarmaq deyil. Vudro Vilsonun nəvələri Njdenin törəmələrindən daha yüz il alət kimi faydalanmaq üçün indi də uydurma etnik təmizləməyə ehtiyac duyurlar. Oradakı hay diasporu üçün də bu, ekzistensial anlam daşıyır. Çünki əgər türk düşmənçiliyi davam etməsə, onda alət olaraq onlara da ehtiyac qalmayacaq  və istifadə məqsədilə indiki kimi bəslənməyəcəklər. Yəni deməyim odur ki, Dövlət Depatramentinin "tapış" missiyası bizim regionda  qarşıdurmanın uzun zaman qalmasının təmini üçün "fakt" istehsal etmək tapşırığı almışdı və o da yerinə yetirildi.
 Çinlə strateji tərəfdaşlığın qurulması, Astanadakı yüksək səviyyəli üçtərəfli görüş, bu gün Xankəndində, Xocalıda yaşananlar və sabah Şuşada keçirləcək zirvə onu göstərir ki, cənab Prezidentin vurğuladığı kimi Azərbaycan bütün ssenarilərə, o sıradan da hayalətli siyasət yeridənlərin uzun müddət  davam edəcək "etnik təmizləmə" uydurmalarına da hazırdır".

Alim Hüseynli
Olaylar.az