Asahi: Rusiyaya qarşı sanksiyalar 15 000 yapon şirkətinə təsir edəcək

Olaylar.az MK.RU-a istinadən xəbər verir ki,Yaponiyanın "Asahi" qəzeti bu ölkənin Rusiyaya qarşı sanksiyalarının 15 min yapon şirkətinə mənfi təsir edəcəyini yazır.

Nəşrin məlumatına görə, bu mövqe gizli qalmaq istəyən tanınmış siyasətçi tərəfindən səsləndirilib. Onun sözlərinə görə, Yaponiya hökumətinin Rusiyaya qarşı tətbiq etdiyi sanksiyalar şiddətinə görə Şimali Koreyaya qarşı görülən tədbirlərlə müqayisə edilir.

Bu tədbirlərin Yaponiyanın özünə təsiri KXDR-ə qarşı sanksiyaların ona göstərdiyi təsirlə müqayisə oluna bilməz. Xüsusilə, rusiyalı həmkarları ilə iş aparan 15 min yapon şirkəti ixrac və idxal qadağasından təsirlənə bilər.

İddiaya görə, digər nəticə malların qiymətinin yüksək olması səbəbindən Yaponiya əhalisinə zərbə ola bilər.

Xatırladaq ki, daha əvvəl Yaponiya hakimiyyəti 507 rusiyalıya, LPR və DPR-dən 253 nəfərə və Rusiyadan 201 şirkətə şamil olunan sanksiyalar tətbiq edib. Bu siyahıya Rusiya Federasiyasının ən böyük bankları daxildir.