DİN-dən hava limanında xüsusi əməliyyat: Asim Mustafayev SAXLANILDI

Naxçıvanda hava limanında əməliyyat keçirilib.

Muxtar Respublikanın Daxili İşlər Nazirliyindən Olaylar.az-a verilən məlumata görə, Culfa Rayon Polis Şöbəsinin əməkdaşları Şərur rayon sakini Asim Mustafayevi Beynəlxalq Hava Limanı ərazisində şübhəli şəxs qismində saxlayıblar.

Həmin şəxsin həkim müayinəsindən keçirilməsi nəticəsində narkotik vasitələrin yüksək miqdarda istehlakına görə İnzibati Xətalar Məcəlləsinin 206-cı maddəsinə əsasən, inzibati xəta haqqında protokol tərtib olunub və Babək Rayon Məhkəməsinin qərarına əsasən, 40 gün müddətində inzibatı həbs olunub.