Gürcüstan vətəndaşının əl yükündən civə aşkar olunub

Balakən Gömrük İdarəsinin “Mazımçay” gömrük postunu piyada yolla keçən Gürcüstan Respublikası vətəndaşının əl yükünə rentgen aparatı vasitəsilə baxış keçirilib.

Balakən Gömrük İdarəsinin "Mazımçay" gömrük postunu piyada yolla keçən Gürcüstan Respublikası vətəndaşının əl yükünə rentgen aparatı vasitəsilə baxış keçirilib. Dövlət Gömrük Komitəsindən "Olaylar"a verilən məlumata görə, baxış zamanı gömrük əməkdaşı çantada olan DVD pleyerin içərisində şübhəli qaraltılar müşahidə edib. Hal şahidlərinin iştirakı ilə çantada olan yüklərə təkrar baxış keçirilib və yoxlama zamanı çantadakı DVD pleyerin içərisindən xalis çəkisi 100 qram olan civə aşkar olunaraq götürülüb. Faktla bağlı araşdırma aparılır.