"Barselona" mükəmməl ola bilməz" - Enrike

"Barselona"nın baş məşqçisi Luis Enrike komandasının çıxışını dəyərləndirib. Qol.Az-ın məlumatına görə, "Football Espana"ya danışan ispaniyalı mütəxəssis komandasının oyununun mükəmməl olmadığını bildirib: "Barseona"nın oyunu mükəmməl deyil. Bu, mümkünsüzdür. Ancaq komandam gözəl futbol sərgiləyir. Məşqçi peşəsi elədir ki, sən hər zaman xoşbəxt ola bilmirsən. Lakin mənim "Barselona"da belə problemim olmayıb. Fəlsəfəmiz, hətta məşqlərdə də oyunumuzdan zövq almaqdır. "Barselona" nəticə haqda düşünməməlidir. Çünki hər oyunda daha çox qol vurmaq üçün çalışırıq".