Taekvondoçularımız Avropa çempionatında

Türkiyənin Antalya şəhərində taekvondo üzrə klublar arasında üçüncü Avropa çempionatı keçirilir. "OLAYLAR"-ın Gənclər və İdman Nazirliyinə istinadən verdiyi xəbərə görə, "G1" kateqoriyalı yarışda Azərbaycanın taekvondo klublarının idmançıları da iştirak edirlər. İdmançılarımız Avropa çempionatından sonra - fevralın 12-dən 15-dək "G1" kateqoriyalı ikinci "Turkish Open" turnirində güclərini sınayacaqlar. Yarışlarda, həmçinin ölkəmizi hakimlər komitəsinin sədri, beynəlxalq dərəcəli hakim Elşən Quliyev və Elşad Məmmədov təmsil edəcəklər.