Bakı dairəvi yolda nəqliyyat vasitəsi yanıb: Bakı-Sumqayıt şosesi istiqamətində sıxlıq yaranıb

Yasamal rayonu, Bakı dairəvi yolunda nəqliyyat vasitələrindən birində yanğın baş verib.

Olaylar.az xəbər verir ki, bu barədə Daxili İşlər Nazirliyi Nəqliyyatı İntellektual İdarəetmə Mərkəzi məlumat yayıb.

Bildirilib ki, bu səbəbdən Bakı-Sumqayıt şosesi istiqamətində sıxlıq yaranıb. Hazırda polis və aidiyyəti qurumun əməkdaşları hadisə yerindədir.

Sıxlığın aradan qaldırılması məqsədilə işlər görülür.