İstanbulda güclü FIRTINA: Dənizdə qayıqlar batdı - VİDEO

Türkiyədə güclü qasırğa bir neçə vilayətə təsir göstərib.

Musavat.com xəbər verir ki, hazırda İstanbulda güclü külək əsir və sahilboyu ərazilərdə fırtına aktivliyi müşahidə olunur.

Sosial şəbəkələrdə fırtına zamanı kiçik qayıqların batdığı anların videoları yayılıb.

Fəlakətin ciddi nəticələri Bursada da hiss olunur. Külək çoxmərtəbəli binaların damlarını qoparıb.

Sinoptiklər əvvəlcədən yaxınlaşan fırtına və güclü yağışlar barədə xəbərdarlıq edərək vətəndaşlara ehtiyatlı olmağı və mümkün qədər küçəyə çıxmamağı tövsiyə edib.