İranın məğlubiyyətinə sevinən gənc BAŞINDAN GÜLLƏLƏNDİ
İran polisi Qətərdə keçirilən dünya çempionatında milli komanda mübarizəni dayandırdıqdan sonra bir futbol azarkeşini güllələyib.
Olaylar.az xəbər verir ki, bu barədə "The Guardian" yazıb.
Məlumata görə, buna səbəb 27 yaşlı Mehran Samakın millinin uğursuzluğuna həddən artıq reaksiya verməsi olub.
Hadisə Tehranın şimal-qərbində - Ənzəli şəhərində baş verib. İran millisi ABŞ-a 0:1 hesabı ilə uduzaraq turnirdəki çıxışını başa vurub. Avtomobilində telefonu ilə canlı yayımı izləyən Samak aramsız siqnal verməyə başlayıb. Polis bu reaksiyaya cavab olaraq onu güllələyib. Başından ağır yara alan Samakın həyatını xilas etmək mümkün olmayıb.
Ehtimal olunur ki, hüquq-mühafizə orqanları onun hərəkətlərinin hakimiyyət əleyhinə aksiya kimi qiymətləndirib. Belə ki, həmin vaxt hökumət əleyhinə nümayişçilər milli futbol komandasının dünya çempionatını tərk etməsini qeyd edirdilər.
Samakın dəfn mərasimi çərşənbə günü keçirilib. Dəfn mərasimində iştirak edənlər İran hakimiyyəti əleyhinə şüarlar səsləndiriblər.
Azpost.info