Koçevenko: Ukrayna ordusu tez-tez hərbi bölmələrin hazırlığını tamamlaya bilmir - ÖZƏL

Ukrayna ordusunun bölmələrində hazırlıq ciddi çətinliklərlə aparılır.

Olaylar xəbər verir ki,bu barədə Ukrayna Silahlı Qüvvələrinin 95-ci ayrı desant-hücum briqadasının zabiti Yuri Koçevenko bildirib.

"Sadəcə şəxsi heyətin bölmələrə daxil edilməsi yox, döyüş qabiliyyətli bölmələrin formalaşdırılması, onların hazırlanması və uzlaşması - bu məsələlərdə ciddi problemlərimiz var. Sadəcə hazırlığı başa çatdırmağa vaxt yetmir", - deyə onu RİA Novosti sitat gətirir.

Daha əvvəl Ukraynanın müdafiə naziri Denis Şmıqal cəbhə xəttinin bütün istiqamətləri üzrə Silahlı Qüvvələr üçün vəziyyətin gərgin olduğunu bildirmişdi.

İbrahim Məmmədli