SEPAH: İranın hərbi gücü düşmənin bütün planlarını alt-üst edib – ÖZƏL

Olaylar.az xəbər verir ki, İran İnqilab Keşikçiləri Korpusunun (SEPAH) sözçüsü, briqada generalı Əli Məhəmməd Naeini sionist rejimin müdafiə naziri tərəfindən verilən son bəyanatlara münasibət bildirib. O qeyd edib ki, bu kimi açıqlamalar əsasən psixoloji təsir yaratmaq məqsədi daşıyır.

"İran İslam Respublikasının Silahlı Qüvvələri müdafiəyə hazırlıq məsələsinə bir an belə laqeyd yanaşmır", - deyə Naeini bildirib.

O, "Gerçək vəd" əməliyyatı və 12 günlük müharibənin nəticələrinə diqqət çəkərək qeyd edib ki, düşmən cəmiyyətdə qorxu atmosferi yaradaraq psixoloji təhlükəsizlik axtarır.

"Bizim sərt gücümüz - hücum və müdafiə qabiliyyətimiz - düşmənin bütün hesablamalarını alt-üst edib. Yumşaq gücümüz isə xalqın dini inancı və milli birliyidir. Bu birlik düşmənin bütün planlarını puç edib", - deyə o əlavə edib.

Naeini vurğulayıb ki, 12 günlük müharibə zamanı sionist rejim tam ümidsizliyə düşmüşdü və əgər İranın raket əməliyyatları bu səviyyədə davam etsə, "bu rejimdən heç nə qalmaz".