Ərdoğan Putin və Trampın İstanbulda görüşünü təklif edir – ÖZƏL

Türkiyə Prezidenti Rəcəb Tayyib Ərdoğan ABŞ və Rusiya prezidentləri ilə onların İstanbulda mümkün görüşünü müzakirə etməyi planlaşdırır. 

Olaylar.az xəbər verir ki, bu barədə RİA Novosti məlumat yayıb.

"Yəqin ki, bu həftə Rusiya Prezidenti Vladimir Putin və ABŞ Prezidenti Donald Trampla yenidən danışacağam. İstanbulda onların görüşünü təşkil edə biləcəyimizi müzakirə edəcəyik", - deyə Ərdoğan cümə namazından sonra jurnalistlərə açıqlama verib.

Xatırladaq ki, iyulun 18-də Rusiya və Türkiyə prezidentləri Vladimir Putin və Rəcəb Tayyib Ərdoğan arasında telefon danışığı baş tutub. Söhbət zamanı Ukraynadakı vəziyyət və Yaxın Şərqdəki son hadisələrlə bağlı ətraflı fikir mübadiləsi aparılıb.