Starmer fələstin dövlətini tanımaqdan çəkinməsinin səbəbi açıqlayıb - ÖZƏL

Böyük Britaniyanın Baş Naziri Kir Starmer Fələstin dövlətini müstəqil dövlət kimi tanımaqda təlaş göstərmir. Olaylar.az xəbər verir ki,  bu barədə Financial Times qəzeti hökumətdəki mənbəyə istinadla xəbər verir ki, bu addım ABŞ Prezidenti Donald Trampın administrasiyası ilə münasibətlərin pozulmaması üçün atılır.
Mənbə qeyd edir ki, "Kir və onun yüksək səviyyəli müşavirləri Fələstin dövlətinin tanınmasına mane olurlar. Onlar ABŞ-ə daha yaxın olmaq istəyirlər". Qəzetin məlumatına görə, Tramp administrasiyası müttəfiqlərini Fələstini tanımaqdan çəkindirməyə çağırır, çünki bu, Qəzza sektorundakı münaqişənin həllini çətinləşdirir.
Bununla belə, Böyük Britaniyanın Xarici İşlər Naziri Devid Lemmi Fələstin Dövlətinin tanınmasını Fransa ilə birgə dəstəkləyir. Həmçinin, Səhiyyə naziri Uez Striting, Ədliyyə naziri Şabana Mahmud, London meri Sadik Xan və Şotlandiya leyboristlərinin rəhbəri Anas Sarvar da bu mövqedədirlər.
24 iyul tarixində Fransa Prezidenti Emmanuel Makron ölkəsinin sentyabrda BMT Baş Assambleyasının sessiyasında Fələstin Dövlətini rəsmi tanıyacağını açıqlayıb. 25 iyulda isə Kir Starmer, Emmanuel Makron və Almaniya kansleri Fridrix Merts Qəzza sektorundakı vəziyyəti müzakirə etmək üçün telefon danışığı aparacaqlar.
Leyborist Partiyası 2024-cü ilin iyulunda keçirilən ümumi seçkilərdə qələbə qazanaraq Böyük Britaniyada hakimiyyətə qayıdıb. Partiyanın siyasi proqramında Fələstin Dövlətinin tanınması bəndi yer alsa da, bu addımın nə vaxt atılacağı qeyd edilməyib. Starmer isə əvvəllər bu tanınmanın "uyğun zamanda" reallaşacağını bildirmişdi.