ABŞ-nin Yəməndəki hücumu nəticəsində 30-dan çox insan həlak olub – ÖZƏL

ABŞ-nin hava hücumu nəticəsində Yəmənin husilərin nəzarətində olan Ras-İsa limanı məhv edilib.

Olaylar.az xəbər verir ki, "Al Masirah" telekanalının məlumatına görə, hücum nəticəsində 30-dan çox insan həlak olub, təxminən 80 nəfər isə yaralanıb.

Məlumata əsasən, liman 14 hava zərbəsinə məruz qalıb. ABŞ-nin Mərkəzi Komandanlığı bildirib ki, hücumlar husilərin gəlir mənbəyi kimi istifadə etdiyi yanacaq anbarlarına yönəldilib.

Həlak olanların əksəriyyətini liman işçiləri və port təşkilatlarında çalışan əməkdaşlar təşkil edir.