Rusiya XİN rəsmisi: “Berbok və Sandu öz ölkələrinin maraqlarını təmsil etmir” – ÖZƏL
2 Aprel 11:21 DünyaRusiya Xarici İşlər Nazirliyinin rəsmi nümayəndəsi Mariya Zaxarova Almaniyanın Xarici İşlər naziri Annalena Berbok və Moldova Prezidenti Maya Sandunu tənqid edib. O, hər iki siyasətçinin öz ölkələrinin deyil, xarici dövlətlərin maraqlarına xidmət etdiyini bildirib.
Olaylar.az xəbər verir ki, Zaxarova bu fikirləri "Sputnik" radiosuna müsahibəsində səsləndirib:
"Bu, nə yaşla, nə cinslə, nə də düşüncə tərzi ilə bağlıdır. Onların əsas xüsusiyyəti odur ki, öz ölkələrinin siyasi mənzərəsinə daxil olsalar da, xalqın maraqlarını təmsil etmirlər. Onlar digər dövlətlərin və ya siyasi qüvvələrin maraqlarına xidmət edirlər, halbuki bu qüvvələrin onların ölkələrinə və xalqlarına heç bir aidiyyəti yoxdur."
Rusiya XİN rəsmisi Berbokun siyasətinin Almaniya xalqına zərər vurduğunu qeyd edib:
"O, alman xalqını sabit resurslardan, bazarlardan və humanitar əlaqələrdən məhrum etməyə çalışır. Onun özünü fövqəladə dərəcədə yüksəkdə görməsi başqalarını nəzərə almamasına səbəb olur."
Moldova Prezidenti Maya Sandu haqqında danışan Zaxarova onu da oxşar yanaşmada ittiham edib:
"Sandunun atdığı addımlar Moldova dövlətinə, xalqına və bütövlükdə milli kimliyinə zərbə vurur. O da yalnız öz müstəsnalığını görür və bundan başqa heç nəyi nəzərə almır."
Rusiya ilə Moldova və Almaniya arasındakı siyasi münasibətlər son dövrlərdə gərgin olaraq qalır.