Rusiya Ukraynanın moratoriumu pozmasını beynəlxalq arenaya çıxaracaq – ÖZƏL

Rusiya, Ukraynanın enerji infrastrukturlarına zərbələr endirməklə moratoriumu pozması barədə məlumatları beynəlxalq təşkilatlara çatdırmağa davam edəcək.

Olaylar.az xəbər verir ki, bu barədə Rusiya Xarici İşlər Nazirliyinin rəsmi nümayəndəsi Mariya Zaxarova məlumat verib. O, Sputnik radiosuna açıqlamasında Moskvanın Kiyev rejimi tərəfindən hədəfə alınan enerji obyektlərinin siyahısını hazırladığını bildirib.

"Biz bu vəziyyəti beynəlxalq səviyyədə işıqlandırmağa davam edəcəyik. Bu, dünya diplomatlarının və beynəlxalq təşkilatların diqqətinə çatdırılacaq," - deyə Zaxarova vurğulayıb.

Qeyd edək ki, daha əvvəl Rusiya Xarici İşlər naziri Sergey Lavrov və Müdafiə naziri Andrey Belousov Ukraynanın enerji obyektlərinə hücumları davam etdirməsi barədə Rusiya prezidenti Vladimir Putinə məruzə ediblər.