Tramp: "Putin Ukrayna məsələsində öz hissəsini yerinə yetirəcək" - ÖZƏL

ABŞ Prezidenti Donald Tramp, Rusiyanın Ukrayna məsələsindəki anlaşmaya sadiq qalacağına inandığını bildirib. Olaylar.az xəbər verir ki,  Tramp, Ağ Evdə jurnalistlərlə görüşü zamanı Rusiya Prezidenti Vladimir Putinin öz öhdəliklərini yerinə yetirəcəyini və bu addımla həm rus, həm də ukraynalı əsgərlərin və digər insanların həyatını qorumağa çalışacağını söyləyib.

"O (Putin) öz hissəsini yerinə yetirəcək. Mən görmək istəyirəm ki, o, bu anlaşmanı necə imzalayacaq və bununla biz rus və ukraynalı əsgərlərin, eləcə də başqalarının ölümünü dayandıra bilərik," - deyə Tramp bildirib.

ABŞ Prezidenti həmçinin Rusiyaya qarşı əlavə vergi tətbiq etməyi istəmədiyini qeyd edib. "Amma əgər düşündümsə ki, o (Putin) öz işini görməyəcək, mən bunu edərdim," - deyə o əlavə edib.

Tramp, müharibənin səbəbi olaraq Ukraynanın NATO-ya üzv olmaq cəhdlərini göstərib və bu addımın, onun fikrincə, müharibənin başlanmasına səbəb olduğunu vurğulayıb. "Ukraynalılara, Putindən əvvəl, NATO-ya daxil olmaqlarının mümkün olmayacağı bildirildi," - deyə Tramp qeyd edib.