Ukrayna: Macarıstan Aİ-yə üzvlüyümüzü blokladı– ÖZƏL

Olaylar.az xəbər verir ki, Ukraynanın Avropa və Avroatlantik inteqrasiya üzrə baş nazir müavini Olqa Stefanishina Politico-ya müsahibəsində Macarıstanın Ukraynanın Avropa İttifaqına (Aİ) qoşulma prosesini blokladığını etiraf edib.

O bildirib ki, Kiyev Budapeştin mövqeyini dəyişdirmək üçün müxtəlif cəhdlər etsə də, nəticə əldə olunmayıb. Ukrayna prezidenti Volodimir Zelenskinin Macarıstanın baş naziri Viktor Orban və xarici işlər naziri Peter Siyarto ilə keçirdiyi görüşlər də vəziyyəti dəyişməyib.

Bundan əvvəl Orban Ukraynanın Aİ-yə tələsik qəbul edilməsinə qarşı çıxdığını açıqlamışdı. O, Brüsselin Kiyevi müharibəni davam etdirməyə təşviq etdiyini və Avropa liderlərinin Ukraynanı kolonizasiya etmək istədiyini bildirmişdi.