Ermənistan Rusiyaya “İsgəndər” üçün “çip”lər ötürür

Rusiya hərbi-sənaye kompleksinin əməkdaşları məişət texnikasını sökür və "İsgəndər" və "Xəncər" raketlərinin yaradılmasında istifadə etmək üçün onlardan mikrosxemlər çıxarır.

Axar.az xəbər verir ki, bu barədə "Frankfurter Allgemeine Sonntagszeitung" amerikalı ekspertlərə istinadən məlumat yayıb.

"Baxmyaraq ki, AB Kremlə qarşı sanksiyalar tətbiq edib, Rusiya raketlərində istifadə edilən mikrosxemlər Avropa ölkələrindən əldə edilə bilər. Ehtimal ki, Rusiya Ermənistan, Gürcüstan, Belarus, Qırğızıstan və Qazaxıstan kimi üçüncü ölkələrin köməyi ilə Avropa məhdudiyyətlərindən yan keçə bilir", - məlumatda deyilir.