"NATO-ya daxil olmağa çalışan Gürcüstan məsələsi alyansın niyə gündəmində deyil?" - Gela Vasadze

Finlandiya və İsveç uzunmüddətli neytrallıqlarından imtina edib və Şimali Atlantika Alyansına qoşulmaq niyyətlərini bəyan ediblər. NATO da öz növbəsində bu ölkələri öz sıralarında görmək arzusunu ifadə edib. Bəs illərdir NATO-ya daxil olmağa çalışan Gürcüstan məsələsi niyə hələ də alyansın gündəmində deyil?

Olaylar.az axar.az-a istinadən bildirir ki, bu barədə gürcü politoloq Gela Vasadze deyib ki, bunun 3 səbəbi var:

"Birincisi, NATO demokratik ölkələrin birliyidir, Gürcüstanın isə demokratiya ilə bağlı böyük problemləri mövcuddur.

İkincisi, NATO-nun cənub cinahını Türkiyə əhatə edir, Gürcüstanda strateji müdafiə yaratmağa ehtiyac yoxdur.

Üçüncüsü isə Almaniya və Fransa Gürcüstanı NATO-nun üzvü kimi görmək istəmir. Çünki Rusiyanı qıcıqlandırmaq istəmirlər".