Rusiya Ümumdünya Turizm Təşkilatından çıxdı

Olaylar.az xəbər verir ki, Rusiya Ümumdünya Turizm Təşkilatından çıxmaq qərarına gəlib. Bu barədə İspaniyanın Agencia EFE xəbər agentliyi məlumat yayıb ."Rusiya UNWTO-dan çıxmaq niyyətini açıqlayıb", - nəşr yazır. 

Qeyd olunur ki, təsdiq edilmiş prosedura əsasən, proses təxminən bir il çəkəcək.

BMT baş katibinin nümayəndəsi Stefan Düjarrik vəziyyəti şərh edərkən qeyd edib ki, Rusiyanın ÜTT-yə üzvlüyünün dayandırılması "fəlakətli presedent yaradacaq".

Aprelin 27-də Madriddə BMT-nin Ümumdünya Turizm Təşkilatının fövqəladə Baş Assambleyası işə başlayıb, orada Rusiyanın üzvlüyünün dayandırılması məsələsinə baxılması planlaşdırılırdı. Rosturizm təşkilatdan çıxma ilə bağlı məlumatı hələlik təsdiqləməyib.