Almaniyadan Ukraynaya "Gepard" zenit tədarükü

NATO və Aİ müdafiə nazirlərinin bu gün keçiriləcək görüşündə Ukraynaya hərbi dəstəyi artıracağını açıqlayacağı gözlənilən ölkələr arasında Almaniya da var.

"OLAYLAR.az" xəbər verir ki, Almaniya xəbər agentliyinin verdiyi məlumata görə , Almaniya hökuməti Ukraynaya mobil zenit silahlarının göndərilməsini dəstəkləmək niyyətindədir.

"Gepard" əkiz top sistemi 1970-ci illərdən Almaniya ordusunda xidmətdədir və "Leopard"tankının şassisinə əsaslanır.

Alman mediası həmçinin Ukraynaya 100-ə yaxın "Marder" piyada döyüş maşını və bəzi köhnə "Leopard" döyüş tanklarının çatdırılması planlarının olduğunu bildirir.

Rusiyanın Ukraynaya təcavüzünə cavab olaraq Almaniya bu il müdafiə büdcəsini 100 milyard avro artırır ki, bu da böyük siyasət dəyişikliyidir.