Hindistan Ukraynaya dərman  yardımı göndərəcək

Olaylar.az xəbər  verir ki, Hindistan yaxın günlərdə Ukraynaya dərman şəklində daha bir humanitar yardım  göndərəcək.

Bu barədə aprelin 20-də Hindistanın BMT-dəki daimi nümayəndəsinin müavini R.Ravindra Twitter-də məlumat verib.

"Ukraynadakı ağır humanitar vəziyyəti anlayan Hindistan bu və qonşu ölkələrə yardım göndərir. Biz yaxın günlərdə Ukraynaya yeni dərmanların çatdırılmasını təşkil edəcəyik", - Ravindra bildirib.

Hindistanlı diplomat beynəlxalq ictimaiyyəti Ukraynadakı humanitar ehtiyaclara cavab verməyə çağırıb. O, bu yardımın çatdırılması üçün təhlükəsiz dəhlizlərin yaradılmasının vacibliyini də qeyd edib.