Kabildə partlayışlar nəticəsində  25 nəfər həlak oldu

Olaylar.az xəbər  verir ki, aprelin 19-da Kabildə bir neçə partlayış nəticəsində azı 25 nəfər həlak olub.

Bu barədə yerli Aamaj News agentliyi məlumat yayıb .

Məlumata görə, ən çox qurbanlar şəhərin qərb hissəsində Əbdül Rəhim məktəbinin yaxınlığında baş verən ardıcıl iki partlayışdan sonra qeydə alınıb.

Radikal Taliban hərəkatının yaratdığı Kabil təhlükəsizlik departamentinin nümayəndəsi Xalid Zadranın sözlərinə görə, Əfqanıstan paytaxtının qərb hissəsində üç partlayış baş verib. Bütün partlayışlar təhsil müəssisələrinin yaxınlığında olub.